Test... sa pagpaubos

Nagtukod ka ba sa usa ka gingharian sumala sa kabubut-on Ginoo o misakay ba kita sa usa ka kalibutanon mentalidad? Itandi nato ang atong mga kaugalingon atubangan niining mga tudling pulong:
Linginan ang numero sumala sa imong kinaiya gikan sa 1 kun dili DILI TINUOD ang tudling pulong diha sa imong kinaiya, hangtod 10 kun pareha ra o TINUOD ang gisulat diha sa imong kinaiya:
1.- Gipangita nako ang akong mga higala aron pulos dato ug naay gahom ang mga kaila nako. Nakiglambigit ako sa mga dagkong tawo:
DILI TINUOD 1 2 3 4 5 6 7 8 9 10 TINUOD
2.-Diha sa atong pagkaestudyante (kaniadto o karon) ganahan ko nga mahimong valedictorian sa akong pundok:
DILI TINUOD 1 2 3 4 5 6 7 8 9 10 TINUOD
3.- Gipalambo sa akong mga kabanay ang pagkakompetensya diha sa eskwelahan, diha sa trabaho ug gantihan ko sila kun sila ang numero uno sa pundok:
DILI TINUOD 1 2 3 4 5 6 7 8 9 10 TINUOD
4.- Gusto ko makigistoriahay sa mga tawo nga importante sa katilingban ug dili ko gusto usik-usikan ang akong panahon uban sa mga yanong tawo:
DILI TINUOD 1 2 3 4 5 6 7 8 9 10 TINUOD
5.- Walay koy labot sa kahimtang sa mga tawo bisa´g pobre o dato. Kun maayo na ako ug ang akong banay, wala na koy labot sa mga tawong nanginahanglan:
DILI TINUOD 1 2 3 4 5 6 7 8 9 10 TINUOD
6.- Kun way magbantay mosal-ot ako sa pagliniya diha sa supermarket; sa akong pagmaneho molapas ako sa lugar nga gidili tungod kay importante gayud ang akong oras:
DILI TINUOD 1 2 3 4 5 6 7 8 9 10 TINUOD
7.- Kun naay kasaulugan, mangita ko ug labing importanteng lugar tungod kay “talahuron gayud ako”, palingkoron unta ako sa “presidential table”.
DILI TINUOD 1 2 3 4 5 6 7 8 9 10 TINUOD
8.- Kun molambo ang akong mga pariente ug higala akong buhaton ang bisang unsa aron mabira nako sila paubos:
DILI TINUOD 1 2 3 4 5 6 7 8 9 10 TINUOD
9.- Sa tinuod, dikit ang akong kasingkasing sa akong mga titulo, sa mga kalibutanong butang sama sa moda, kwarta, gahom…:
DILI TINUOD 1 2 3 4 5 6 7 8 9 10 TINUOD
10.- Tinuod gayud nga ako ang labing importante sa tanan ug dili na actual ang gisulti ni Jesus nga kinahanglan maghinugasay kita sa atong tiil sa usa’g usa:
DILI TINUOD 1 2 3 4 5 6 7 8 9 10 TINUOD
Sumadaha ang mga numero ug ikomparar:
10-30: Maayo kaayo nga gamay ang risulta. Siguro duol ang imong kinaiya sa Pulong sa Ginoo ug nagtukod ka sa gingharian sumala sa kabubut-on sa Ginoo. Pangutan-on nimo ang imong asawa / bana, anak kun tinuod ba ang imong gitubag. Sama ang imong kinaiya sa mga bata siguro.
31-50: Taas taas na… padayon sa imong pagpaubos sa imong kaugalingon hangtud mahimo ikaw nga usa ka sulugoon sama kang Jesus.
51-70: Importanteng tawo ka ba? Sa tinuod gayud, unsay importante para nimo, ang gahom, ang kwarta… o ang pagtahod ngadto sa mga tawo, ang pagpalambo sa tanan diha sa atong katilingban?
71-90: Nakamatikod ka ba nga naay laing tawo sa kalibutan? Bukha ang imong mata ug imong atimanon ang mga nanginahanglan diha sa imong palibot.
91-100: Hari ka ba sa tibuok kalibutan? Kun gusto ka makaambit sa gingharian sa langit maayo unta nga maningkamot ka sa pagpaubos sa imong kaugalingon.